کمالیہ (ڈاکٹر غلام مرتضیٰ ۔ ویب ایڈیٹر) تفصیلات کے مطابق علی الصبح پُل وہاب کے قریب نہر میں شگاف پڑ گیا تھا جس پر اسسٹنٹ کمشنر و ایڈمنسٹریٹر میونسپل کمیٹی محمد عرفان ہنجرا بھاری مشینری کے ساتھ موقع پر پہنچے اور شگاف کو پُر کرنے کے لیے اقدامات شروع کردیئے۔ بعد از ڈپٹی کمشنر عمر جاوید اور اے ڈی سی آر مدثر بخاری نے بھی علاقہ کا دورہ کیا۔ ڈپٹی کمشنر نے خود موقع پر موجود رہ کر شگاف پُر کرنے کے کام کام جائزہ لیا۔ اس موقع پر ڈپٹی کمشنر ٹوبہ ٹیک سنگھ عمر جاوید نے صحافیوں سے گفتگو کرتے ہوئے کہا کہ شگاف پُر کرنے کے کام میں بھاری مشینری کے ساتھ محکمہ مال، زراعت اور ریسکیو 1122 کی افرادی قوت نے حصہّ لیا۔ بروقت اقدامات کے پیشِ نظر نہری پانی رہائشی آبادی میں داخل نہیں ہوا۔ شگاف پڑنے سے فصلوں کا بھی نقصان نہیں ہوا۔ شگاف پڑنے کے بعد ضلعی انتظامیہ کی ٹیموں نے فوری ریسپانس کیا۔
