کراچی (رپورٹ: ذیشان حسین) پشاور زلمی کے چیئرمین جاوید آفریدی نے لندن میں کینٹ کاؤنٹی کے چیف ایگزیکٹو آفیسر سائمن اسٹوری سے ملاقات کی۔ ملاقات میں برطانوی رکن پارلیمنٹ رحمان چشتی بھی موجود تھے، جاوید آفریدی نے کہا ملاقات میں کرکٹ اور خصوصا پشاور زلمی اور کینٹ کاؤنٹی کے درمیان باہمی دلچسپی کے امور پر تبادلہ خیال کیا گیا۔ جاوید آفریدی نے ٹوئٹر پیغام میں کہا کہ زلمی فینز کو سرپرائز دیں گے۔
کینٹ کاؤنٹی کے سی ای او سائمن اسٹوری نے کہا کہ جاوید آفریدی اور رحمان چشتی سے ملاقات مفید رہی، کرکٹ کا کھیل اقوام کو قریب لاتا ہے، اس حوالے سے ملاقات میں تبادلہ خیال کیا گیا۔ برطانوی رکن پارلیمنٹ رحمان چشتی نے کہا کہ جاوید آفریدی اور سائمن اسٹوری سے ملاقات کی خوشی ہے۔ پاکستان اور برطانیہ کے کرکٹ تعلقات کو مزید فروغ دینے پر بات چیت ہوئی۔