کراچی (رپورٹ: ذیشان حسین) کورونا کیسز میں اضافے پر سندھ کی نجی اور سرکاری جامعات 31 جولائی تک بند کر دی گئیں۔ جامعات بند کرنے کا نوٹیفکیشن کورونا ٹاسک فورس کے فیصلےکے بعد جاری کیا گیا ہے۔ ایڈیشنل چیف سیکریٹری داخلہ قاضی شاہد پرویزکی جانب سے جاری نوٹیفکشن کے مطابق 31 جولائی تک سندھ کی تمام نجی و سرکاری جامعات بند رہیں گی۔ اس سے قبل گزشتہ روز سندھ حکومت نے کورونا کیسز میں اضافے پر اسکول بھی بند کرنے کا اعلان کیا تھا جبکہ کاروباری سرگرمیوں کی بھی شام 6 بجے تک اجازت دی ہے۔
