کراچی (رپورٹ: ذیشان حسین) پی ٹی آئی کے مرکزی رہنما طاہر ملک کی جانب سے پی ٹی آئی سندھ اور سندھ کے تمام ڈویژن کے عہدیداروں کو مبارکباد دیتے ہوۓ کہنا تھا کہ تمام نومنتخب عہدیداران کو مبارکباد پیش کرتا ہوں۔ امید کرتے ہیں تمام عہدیداران پارٹی کی بہتری اور تنظیم کو مضبوط کرنے میں کردار ادا کریں گے۔ کرپٹ ٹولے کا مقابلہ کرنے کے لیے تنظیم کا مضبوط ہونا بہت ضروری ہے۔
ہمارے قائد و چیئرمین عمران خان نے ہمیشہ ڈٹ کر مقابلہ کرنا سکھایا ہے۔ نئے عہدیداران بھی اپنی صلاحیتوں سے تنظیم کو مضبوط بنانے میں کردار ادا کریں گے۔ چیئرمین عمران خان کا مشن اور ان کا نظریہ ہمیں آگے لے کر چلنا ہے۔ تنظیم کو مضبوط بنا کر ہمیں عمران خان کے ہاتھ مضبوط کرنے ہیں۔
