نوشہرو فیروز (رپورٹ: محمد علی ملک) 32 برس گذر جانے کے باوجود بھی سول ہسپتال کو ڈسٹرکٹ ہسپتال کا درجہ نا ملنے کے خلاف سخت احتجاج۔ مظاہرین کا کہنا ہے کہ سول ہسپتال کے 95 سے زائد ڈاکٹرز اور عملے کو ویزا پر چھوڑ دیا گیا ہے۔ ہسپتال بچاؤ ایکشن کمیٹی کا کہنا ہے کہ ملک بھر میں کورونا ہونے کے باوجود بھی سول ہسپتال میں وینٹلیٹرز انسٹال نہیں کیا جا سکا ہے۔ ہسپتال میں قلب، دماغ، کان، ناک، گلے، ای سی جی، الٹرا ساؤنڈ، پیتھالوجسٹ سمیت کئی ماہر ڈاکٹرز موجود نہیں ہیں۔ ساڑھے چار کروڑ سے زائد بجٹ والے ہسپتال میں مریضوں کے لئے ادویات نہیں ہیں۔ فوری طور پر وزیراعلیٰ سندھ کے احکامات پر عمل کرکے سول ہسپتال کو ڈسٹرکٹ ہسپتال کا درجہ دیا جائے۔ مظاہرین نے کہا کہ سول ہسپتال کو ضلع ہسپتال کا درجہ دیکر وینٹیلیٹر مشینیں انسٹال نہ کی گئی تو وزیر صحت کے گھر اور اسمبلی ممبران کے مکانات کے سامنے دھرنے دئے جائیں گے۔
