میرپورخاص (رپورٹ: ایم ہاشم شر) آل پرائیویٹ اسکولز مینجمینٹ ایسوسی ایشن کے میرپورخاص کے صدر فیصل خان زئی، سینئر نائب صدر غضنفر علی خان، جنرل سیکریٹری نعمان ھالیپوٹو، محمد مسعود عباس، نبیلہ جلیل، شہناز حمید و دیگر عہدے داروں نے اپنے مشترکہ بیان میں ساہیوال واقعہ کی پرزور مزمت کرتے ہوئے جوڈیشنل انکوائری کا مطالبہ کیا اور آئندہ ایسے سانحات کے تدراک کے لئے قوانین میں تبدیلی اور معصوم بچوں کو انصاف و ریاستی کفالت کا مطالبہ بھی کیا۔ رہنماؤں نے اس افسوسناک واقعے کو انسانیت کی تزلیل اور معاشرتی شعور کے منافی قرار دیا۔ بعدازاں مرحومین کے لئے اور سینئر صحافی شہزاد خان کے سسر اور نوجوان صحافی علی جان بھٹی کے والد کے انتقال پر لواحقین سے تعزیت کا اظہار کیا گیا۔
