کوالالمپور (رپورٹ: عامر وقاص چوہدری) ملایشیا کے شہر کوالالمپور میں پاکستان کے سفارتخانے میں عید میلاد النبی کے حوالے سے بعنوان میلاد و سیرت رسول صلى الله عليه وسلم منقعد ہوا- تقریب کا آغاز تلاوت قرآن مجید سے ہوا- ملایشیا میں تعینات پاکستان کے سفیر نفیس زکریا اور ان کی ٹیم نے آنے والے تمام مہمانوں کا شکریہ ادا کیا- اس روح پرور تقریب میں ملایشیا اور دیگر بردار اسلامی ممالک کے سفیروں نے بھی شرکت کی- علماء نے سرور کائنات فخر موجودات حضرت محمد مصطفیٰ صلى الله عليه وسلم کی سیرت طیبہ پر روشنی ڈالی- محفل میلاد میں آقاۓ دوجہاں صلى الله عليه وسلم کو گلہاۓ عقیدت کے پھول نچھاور کیے گئے- تقریب میں ملایشیا میں مقیم پاکستانی کمیونیٹی نے بھی کثیر تعداد میں شرکت کی
