کراچی، (اسٹاف رپورٹر) بن قاسم پولیس نے اسٹیل ملز سے لوہے اور قیمتی دھاتوں کی چوری کے خلاف تاریخ کی بڑی کارروائی کرتے ہوئے منظم گروہ کے 6 ملزمان کو گرفتار کر لیا کارروائی کے دوران کروڑوں روپے مالیت کی مشینری اور لوہا برآمد کیا گیا جبکہ ایک 22 ویلر ٹرک بھی تحویل میں لے لیا گیا۔
ایس ایس پی ملیر ڈاکٹر عبدالخالق پیرزادہ کے مطابق خفیہ اطلاع پر کی گئی کارروائی میں انکشاف ہوا کہ گرفتار ملزمان میں اسٹیل ملز کے بعض ملازمین بھی شامل ہیں، جو اندرونی سہولت کاری کے ذریعے قیمتی مشینری اور دھاتیں پلانٹ سے باہر منتقل کر رہے تھے۔
پولیس کے مطابق گرفتار ملزم ندیم حسین اس گروہ کا مرکزی کردار ہے، جو چوری شدہ سامان کی ڈیلنگ اور ترسیل کا انتظام کرتا تھا۔ برآمد ہونے والا سامان اسٹیل ملز کے پلانٹ کا ہے۔ ملزمان سے مزید تفتیش جاری ہے اور مزید گرفتاریاں متوقع ہیں۔
