واشنگٹن (مانیٹرنگ ڈیسک) امریکی نائب معاون وزیر خارجہ ہنری انشر نے کہا ہے کہ پاکستان کے پاس امریکا کا ساتھ دینے کا بہترین موقع ہے، تسلیم کرتے ہیں ٹی ٹی پی افغانستان سے پاکستان میں حملے کرتی ہے۔ واشنگٹن میں سمپوزیم سے خطاب میں ہنری انشر نے پاکستان سے تعلقات کو اہم قرار دیا۔ امریکی قائم مقام نائب معاون وزیر خارجہ کا کہنا تھا کہ امریکا نئی اسٹریٹیجی کے تحت پاکستان پر دباؤ برقرار رکھے گا۔نائب معاون وزیر خارجہ نے یہ بھی تسلیم کیا کہ افغانستان میں "اسٹیٹس کو” پاکستان کے لیے موزوں نہیں، کالعدم تحریک طالبان افغانستان سے پاکستان میں حملے کرتی ہے۔ انہوں نے یہ بھی کہا کہ امریکا پاکستان اور بھارت میں مذاکرات کی حوصلہ افزائی کرے گا۔
