پشاور (رپورٹ: جنید وزیر) تفصیلات کے مطابق ضمنی انتخابات کے غیر حتمی نتائج کے مطابق صوبائی اسمبلی کے نشستوں پر پی ٹی آئی نے گیارہ، اے این پی نے تین جبکہ مسلم لیگ ن نے ایک نشست پر کامیابی حاصل کی.خیبر پختونخوا کی قومی اسمبلی کی واحد قومی نشست پر ایم ایم اے نے کامیابی حاصل کی. پولنگ سٹیشنز کے غیر سرکاری نتیجہ کے مطابق قومی اسمبلی کی خالی نشت پر متحدہ مجلس عمل کے زاہد اکرم درانی 58 ہزار ؤوٹ لے کرکامیاب جبکہ تحریک انصاف کے نسیم علی شاہ 36 ہزار 900 ووٹ لے کر معرکہ ہار گئے.
صوبائی اسمبلی کے نشستوں پر جیتنے والوں میں پی کے 7 سوات میں اے این پی کے وقار خان، پی کے 44 صوابی میں تحریک انصاف کے عاقب اللہ خان، پی کے 53 مردان میں اے این پی کے احمد خان بہادر، پی کے 61 نوشہرہ میں تحریک انصاف کے ابراہیم خٹک، پی کے 64 نوشہرہ میں تحریک انصاف کے لیاقت خٹک، پی کے 78 پشاور میں اے این پی کی ثمر ہارون بلور، پی کے 97 ڈیرہ اسماعیل خان میں تحریک انصاف کے فیصل امین گنڈہ پور اور پی کے 99 ڈیرہ اسماعیل خان میں تحریک انصاف کے آغاز اکرام اللہ گنڈہ پور شامل ہیں
