لاہور (اسپورٹس رپورٹر) پاکستان کرکٹ ٹیم کے باؤلر حسن علی کا کہنا ہے کہ غیر ملکی کوچ کے ساتھ کام کرنے کے لیے تیار ہوں۔ مصباح الحق اور وقار یونس کا ورلڈ کپ سے پہلے چلے جانے پر دکھ ہوا ہے، وقار یونس میرے رول ماڈل ہیں۔ وقار یونس کے ساتھ کام کرکے بہت اچھا لگا، میں بچپن سے انہیں دیکھتا آرہا ہوں، دونوں کوچز کے لیے نیک خواہشات کا اظہار کرتا ہوں، حسن علی کا کہنا تھا کہ بیٹنگ کی طرف بھی توجہ دے رہا ہوں، محنت جاری رکھوں گا تاکہ تینوں فارمیٹ میں اچھا آل راؤنڈر بن سکوں، عبدالرزاق کی موجودگی سے مجھے اپنی آل راونڈ صلاحیت بہتر بنانے میں فائدہ ہوگا، ان کا کہنا تھا کہ نوجوان باؤلرز کے ساتھ بات کرتا رہتا ہوں۔
