کراچی (رپورٹ: ذیشان حسین) اپوزیشن لیڈر سندھ اسمبلی حلیم عادل شیخ نے اپنے جاری کردہ وڈیو بیان میں کہا ہے کہ کل وزیراعظم نے حکومتی 3 سالہ کارکردگی قوم کے سامنے پیش کی، 22 سالہ جدوجہد کل پہر پوری قوم نے دیکھی، نرسری والے لیڈر نہیں ان کی کامیابیاں شامل ہیں، فارن یکسچینج ریزرو میں اضافہ ہوا ٹیکس کلیکشن بڑھ گئے کرنٹ اکاؤنٹ خسارہ کم ہوا، روشن ڈجیٹل اکاؤنٹ کے ذرہعے پیسے موصول ہوئے، ایکسپورٹ اور سروسز میں اضافہ زرمبادلہ کے ذخائر میں اضافہ ہوا، 260 ارب روپے کووڈ کے دوران عوام کو دیے گئے، کامیاب نوجوان پروگرام میں 20 ارب نوجوانوں کو بغیر سود کے جاری ہوچکے،
پورے ملک میں صوبے صحت کارڈ عوام کو دے رہے ہیں، سندھ میں بھٹو زندہ ہے اس لیے عوام کو کچھ نہیں ملے گا، کم آمدنی والے افراد کے لیے گھروں کی تعمیر جاری ہے، کلین اینڈ گرین مہم سے درخت لگائے جارہے ہیں، کل ہم نے اپنی 3 سالہ کارکردگی عوام کے سامنے رکھی، اب بلاول میڈیا اپوزیشن سب کو بلاکر اپنی 13 سالہ کارکردگی عوام کے سامنے رکھیں، بلاول اسکرین پر اپنی کارکردگی کیا دکھائیں گے تھر کے مرتے بچے؟ آر او پلانٹس میں کرپشن کی وجہ سے مرتے لوگ اسکرین پر ہونگے، اسکرین پر لاڑکانہ میں ایڈز سے متاثرہ 5 ہزار لوگ ہوں گے، ان کی اسکرین پر کچرے اور گٹر کے پانی سے بھرا کراچی ہوگا، بلاول کی اسکرین پر لوگ روڈ رستوں پر ڈبے لیکر پانی کی تلاش میں نظر آئیں گے، اسکرین پر بند اسکولیں بھینسوں کے باڑے بنے نظر آئیں گے، ایک ایک بیڈ پر چار مریض نظر آئیں گے، بلاول زرداری صاحب گھومنے پھرنے سے کچھ نہیں ہوگا، اپوزیشن مطالبہ کرتی ہے ہمیں اپنی 13 سالہ کارکردگی بتائیں، 8900 ارب کی کرپشن کا جواب عوام کو دیں، آپ کچھ نہیں دکھائیں گے تو ہم عوام کو آپ کی کرپشن دکھائیں گے۔
