کراچی (رپورٹ: ذیشان حسین) سیاسی و سماجی شخصیت راؤ محمد خالد نے کہا ہے کہ ارباب اختیار، سیاسی دانشوروں، کالم نگاروں، ایڈیٹرز اور سیاسیات کے پروفیسروں اور طلبہ سے اپیل ہے کہ انتخابی اصلاحات کے تناظر میں پولیٹیکل پارٹیز قانون سازی اس طرح ہونی چاہئے کہ دو بار سے زائد پارٹی صدر رہنے پر پابندی ہونی چاہئے اور قومی اسمبلی کی ایک ٹرم چار سال کی ہونی چاہئے، انہوں نے کہا کہ اس طرح سیاسی جماعتیں بطور ادارہ مستحکم ہوںگی اور سیاسی جماعتوں سے مخصوص افراد اور خاندانوں کی اجارہ داری کا خاتمہ ممکن ہوسکے گا۔
