میرپورخاص (رپورٹ: ایم ہاشم شر) میرپورخاص سے منتخب ایم پی اے و صوبائی وزیر خوراک و اقلیتی امور سیٹھ ہری رام کشوری لال نے کابینہ اجلاس میں میرپورخاص میں یونیورسٹی کے قیام کے معاملے پر وزیراعلیٰ سندھ کو مکمل بریفنگ دی جس پر وزیراعلیٰ سندھ نے کابینہ اجلاس میں صوبائی وزیر سیٹھ ہری رام کشوری لال کی درخواست پر ایجنڈے میں میرپورخاص میں یونیورسٹی کا قیام عمل میں لانے کے لیے منظوری دیتے ہوئے ایجنڈے میں شامل کردیا ہے یہ ایجنڈا 3 مارچ کو سندھ اسمبلی اجلاس میں پیش کیا جائے گا عوامی خدمت پر یقین رکھنے والے صوبائی وزیر ہری رام کشوری لال جو بلا تفریق عوامی خدمت پر یقین رکھتے ہیں اور خاص طور پر میرپورخاص کے شہریوں کے ہر اچھے اور برے وقت میں ان کے ساتھ ہوتے ہیں ان کی جانب سے میرپورخاص شہر کی ترقی و خوشحالی کے لیے جہاں مختلف پروجیکٹ شروع کروائے گئے وہی آج اس احسن اقدام پر میرپورخاص کی عوام ہری رام کشوری لال سے بے انتہا خوشی کا اظہار کررہی ہے اس موقع پر ہری رام کشوری لال کا کہنا ہے کہ اسمبلی میں یہ ایجنڈا بھاری اکثریت سے منظور ہوجائے گا اور جلد میرپورخاص کے طلبہ کو یونیورسٹی ملے گی۔
