گوجرانوالہ (بیورو رپورٹ) وزیر آباد کے قریب ہری پور ریلوے اسٹیشن کے گودام میں آگ لگنے کا واقعہ، 12 گھنٹے گزرنے کے باوجود آگ کے شعلے بے قابو، ریسکیو حکام کے مطابق آگ نے پورے گودام کو اپنی لپیٹ میں لے رکھا ہے، ریسکیو کی 11 گاڑیاں آگ پر قابو پانے میں مصروف ہیں، ریسکیو کے فائر ٹینڈرز سیالکوٹ اور گجرات سے ہری پور ریلوے اسٹیشن پہنچ گئے، جبکہ پاکستان آرمی کے جوان بھی ریسکیو میں حصہ لے رہے ہیں، آگ لگنے کی وجہ تاحال معلوم نہ ہوسکی۔
