کراچی (رپورٹ: ذیشان حسین) تحریک لبیک پاکستان کراچی کے امیر نے کہا ہے کہ عوام پہلے ہی مہنگائی کا اضافی بوجھ برداشت کررہے ہیں اور اب ایک طرف وفاقی حکومت پیٹرولیم مصنوعات میں اضافے کی تیاریاں کررہی ہے تو دوسری طرف حکومت سندھ تعلیمی اداروں چھٹیاں بڑھانے کا فیصلہ سمجھ سے بالا تر ہے انہوں نے کہا کہ آخر ان حکومتیں نے عوام اور تعلیم کو بھی مذاق سمجھ لیا ہے علامہ رضی حسینی نے کہا ایسے ظالمانہ فیصلوں سے وفاقی و صوبائی حکومت اجتناب برتے جسں سے مہنگائی کے بوجھ تلے عوام مزید مبتلا ہوں اور بچوں کا تعلیمی نقصان نہ ہو کیونکہ ان حکومتوں نے عوام سے بڑے بڑے وعدے اور دعوے کئے تھے لیکن وہ عمل سے بالکل خالی نظر آرہے ہیں اگر ان حکومتوں نے اپنی روش نہیں بدلی تو تحریک لبیک پاکستان ہر سطح پر احتجاج کرے گی۔
