میرپورخاص (رپورٹ: ایم ہاشم شر) ڈپٹی کمشنر میرپورخاص زاہد حسین میمن نے کہا ہے کہ میرپورخاص سمیت سندھ کی تاریخ، علم و ادب اور ثقافت کا اجاگر کرنے کیلئے 2 روزہ ” میرپورخاص لٹریچر کلچرل فیسٹیول” 28 اور 29 دسمبر2019 کو آرٹس کونسل میرپورخاص میں منعقد کیا جائے گا جس میں ثقافتی، سماجی، علمی و ادبی شخصیات شرکت کریں گی اس بات کا اعلان انہوں نے اپنے دفتر میں ڈسٹرکٹ کوآرڈینیشن کمیٹی برائے کلچرل فیسٹیول کے اجلاس کی صدارت کرتے ہوئے کیا انہوں نے مزید کہا کہ میرپورخا ص کی تاریخ میں پہلی بارلٹریچر کلچرل فیسٹیول منعقد کیا جارہا ہے جس میں دستکاری، کھانے پینے، کتب اور دیگر اشیاء کے اسٹال لگائے جائیں گے فیسٹیول میں میرپورخاص کے قدیم تاریخی مقامات اورکرداروں کے متعلق سندھ کے مقالا نگار شرکت کریں گے اجلاس میں فیصلہ کیا گیا کہ فیسٹیول میں زیادہ سے زیادہ شرکت کو یقینی بنا کر میرپورخاص کی ثقافت، علمی و ادبی شعور کو اجاگر کیا جائے گا اس موقع پر ایڈیشنل ڈپٹی کمشنر "ون” سلامت میمن، ڈپٹی ڈائریکٹر لائیو اسٹاک ڈاکٹرحاکم جلبانی، ڈسٹرکٹ ایجوکیشن آفیسر جیون منشاء، سول سوسائٹی کے محمد بخش کپری، شیراز چانڈیو، رفیق لغاری، میر عبید تالپور اور دیگر نے شرکت کی۔
