کراچی (رپورٹ: ذیشان حسین) کراچی نیشنل کوچنگ سینٹر میں تیسری پیرا ٹائیکوانڈو چیمپئن شپ کا انعقاد کیا گیا۔ پاکستان پیرا ٹائیکوانڈو ونگ آف پی ٹی ایف کے چیف پیٹرن اور زی گروپ آف کمپنیز کے بانی و صدر زیشان الطاف لوہیا اور گرینڈ ماسٹر نجم خان نے صوبہ سندھ میں پہلی مرتبہ اسپیشل بچوں کے لئے ٹائیکوانڈو چئمپین شپ کا اہتمام کیا جس میں چاروں صوبوں سے آئے ہوئے ڈیڑھ سو سے زائد بچوں نے شرکت کی۔ چیمپئن شپ کی افتتاحی تقریب میں مہمان خصوصی ایڈوائزر ٹو سی ایم سندھ قاسم نوید قمر اور ایچ ایم آر گروپ کے سربراہ حاجی رفیق پردیسی سمیت امریکہ پاکستان بزنز ڈیولپمنٹ فورم کے اراکین نے شرکت کی اور مستقبل میں بھی اسپیشل بچوں کے لئے ہر ممکن تعاون کی یقین دہانی کروائی اور بین الاقوامی سطح پر بھی بچوں کو کھلانے کے عظم کا ارادہ کیا ہے اس موقع پر اسپیشل ایجوکیشن کمیٹی ایف پی سی سی آئی کے چیئرمین محمد امان پیر بھی موجود تھے۔ تیسری پیرہ ٹائیکوانڈو چیمپئن شپ کا فائنل نیشنل کوچنگ سینٹر میں کھیلا گیا جس میں پاکستان بھر سے جیتنے والے اسپیشل بچوں میں ایوارڈ اور گولڈ میڈلز تقسیم کئیے گئے جبکہ ورلڈ ٹائکوانڈو کے قوانین کو مد نظر رکھ کر نتائج کا اعلان کیا گیا۔ اس سے پہلے دو مرتبہ پیرہ ٹائکوانڈو چیمپئن شپ پنجاب میں منعقد کی جاچکی ہے۔
