منڈی بہاؤالدین (بیورو رپورٹ) پولیس تشدد کی ایک نئی داستان، متاثرہ شخص ہسپتال منتقل، تفصیلات کے مطابق میانہ گوندل تھانہ کے اے ایس آئی نواز نے فقیریاں گاؤں کے رہائشی محمد انور نامی شخص کو مار مار کر آدھ مویا کر دیا، غریب محنت کش کا جرم ہمسائیوں سے لڑائی بتایا گیا ہے، جب محمد انور کی پولیس تشدد سے حالت غیر ہوئی تو ہسپتال منتقل کر دیا گیا، ڈی پی او ناصر سیال سے نوٹس لینے کی اپیل۔ شہری حلقے کا کہنا ہے کہ آخر کب تک ایسے ہی پولیس تشدد سے بے گناہ شہری ہسپتال منتقل ہوتے رہیں گے اور اپنی قیمتی جانیں گنواتے رہیں گے؟ اے ایس آئی نواز کو فوری طور معطل کیا جائے اور شریف شہریوں پر پولیس تشدد تمام تھانوں سے بند کیا جائے۔ محمد انور کے ورثاء نے ڈی پی او ناصر سیال سے فوری انکوائری کا مطالبہ کیا ہے۔
