کوئٹہ (رپورٹ: شاہد عمران چشتی) مستونگ کے علاقے قابو کوہ مہران میں سی ٹی ڈی اور سیکورٹی فورسز کا سرچ آپریشن مکمل۔ سرچ آپریشن کے دوران فائرنگ کے تبادلے میں 9 دہشت گرد ہلاک۔ فائرنگ کے تبادلے میں سیکورٹی فورسز کے 4 جوان زخمی ہوگئے، آپریشن کے دوران دہشت گردوں کے ٹھکانوں سے بھاری اسلحہ و گولہ بارود بھی برآمد۔ سرچ آپریشن دہشت گردوں کی موجودگی کی اطلاع پر کیا گیا تھا۔ آپریشن مکمل ہونے پر ریسکیو ٹیمیں طلب۔ لاشیں تحویل میں لیکر اسپتال منتقل کی جارہی ہیں۔
