کراچی (رپورٹ: زوہیب عتیق /کامل حسین) کراچی اقبال مارکیٹ پولیس نے جراٸم پیشہ عناصر کے ناک میں دم کردیا۔ متعدد جراٸم کی وارداتوں میں ملوث اسٹریٹ کرمنل ایس ایچ او اقبال مارکیٹ عدیل احمد کے گرِفت میں، ملزم کے قبضے سے غیر قانونی اسلحہ بمعہ لوڈ میگزینز، چوری شدہ موٹرساٸیکل و نقدی برآمد جبکہ ملزم کے خلاف مقدمہ درج کرکے تفتیش کا آغاز کردیا گیا۔ تفصیلات کے مطابق ایس ایس پی ویسٹ شوکت علی کٹھیان کے سماج دشمن عناصر کے خلاف تھانے داروں کو سخت ترین ہدایت۔ ایس ایچ او اقبال مارکیٹ عدیل احمد جراٸم پیشہ عناصر کے لیے خوف و دہشت کی علامت بن گٸے جبکہ کامیاب کارواٸی کے دوران متعدد جراٸم کی وارداتوں میں ملوث اسٹریٹ کرمنل کو اقبال مارکیٹ پولیس نے جکڑلیا۔ ملزم (رشید ولد صدیقی) کے قبضے سے غیر قانونی اسلحہ بمعہ لوڈ میگزینز، چوری شدہ موٹرساٸیکل و نقدی برآمد۔ ملزم (رشید ولد صدیقی) متعدد جراٸم کی وارداتوں میں ملوث ہونے کے ساتھ ساتھ ایک اشتہاری ملزم بھی ہے جوکہ کٸی مقدمات میں پولیس کو انتہاٸی مطلوب بھی تھا جبکہ ملزم کے خلاف مقدمہ درج کرکے مزید تفتیش کے داٸرے کار کو تیز کر دیا گیا۔ رابطہ کرنے پر ایس ایچ او اقبال مارکیٹ عدیل احمد نے یہ مٶقف اپنایا کہ جراٸم پیشہ عناصر کے خلاف بھر پور کریک ڈاٶن کرکے ان کا مکمل خاتمہ کیا جاۓ گا۔
