ڈیرہ اسماعیل خان (رپورٹ: گوہر غنچہ) کار کی خریداری میں بقایا رقم کے لئے دھوکہ دہی اور فراڈ سے جعلی شناختی کارڈ دینے کے الزام میں ملزم کے خلاف مقدمہ درج کرلیا گیا، پولیس ذرائع کے مطابق علاقہ کیچ کے رہائشی نور رحمان ولد لعل تن خان نے پولیس کو بتایا ملزم عید مرجان نامی شخص کار جی ایل آئی کرولا ماڈل 2018 مبلغ 23 لاکھ روپے میں خرید کر 18 لاکھ روپے ادا کردیے جبکہ بقایا رقم کی ادائیگی کے لئے اس نے اپنا شناختی کارڈ دیا جوکہ بعدازاں جعلی نکلا اور شناختی کارڈ پر دھوکہ دہی اور فراڈ سے کسی دوسرے شخص کی تصویر لگائی گئی ہے۔ پولیس نے متاثرہ شخص کی رپورٹ پر ملزم کے خلاف دھوکہ دہی، فراڈ اور غیانت مجرمانہ کی دفعات کے تحت مقدمہ درج کرلیا ہے۔
