بٹگرام (رپورٹ: عتیق سلیمانی) بٹگرام میں رہنا ہے تو کام کرنا ہوگا، ترقیاتی سکیموں میں تاخیر پر وزیر اعلی کے معاون خصوصی تاج محمد خان ترند ٹی ایم او بٹگرام پر برس پڑے، تفصیلات کے مطابق بٹگرام میں ڈیڈک کمیٹی کا اجلاس منعقد ہوا جس میں ڈپٹی کمشنر بٹگرام سمیت دیگر محکمہ جات کے سربراہان شریک ہوئے اس موقع پر تاج محمد خان ترند ٹی ایم او بٹگرام کی ناقص کارکردگی پر برس پڑے، تاج خان نے کہا کہ ترقیاتی منصوبے تاخیر کے شکار ہیں جبکہ محکمہ ٹی ایم اے کی جانب سے مسلسل غفلت برتی جارہی ہے انھوں نے ٹی ایم او کو مخاطب کرتے ہوئے کہا کہ اگر آپ نے بٹگرام میں رہنا ہے تو آپکو کام کرنا ہوگا بٹگرام میں غفلت کا مظاہرہ کرنے والے کسی بھی آفیسر کیلئے کوئی جگہ نہیں ہے۔
