کراچی (رپورٹ: ذیشان حسین) پاکستان سمیت دنیا کئی ممالک میں گزشتہ روز سماجی رابطے کی ویب سائٹ فیس بک کی سروس اچانک جزوی طور پر متاثر ہوگئی۔ غیر ملکی خبر رساں ادارے کے مطابق فیس بک کی سروس امریکا اور برطانیہ سمیت یورپ کے بڑے حصے اور پاکستان سمیت بعض ایشیائی علاقوں میں متاثر ہوئی۔ صارفین کا کہنا ہے کہ انہیں فیس بک پر نیوزفیڈ اور نوٹیفکیشن تک رسائی منقطع ہونے کی شکایات رہیں۔ فیس بک کی سروس ڈاون ہونے کی وجہ سے ہزاروں صارفین کو مشکلات کا سامنا رہا تاہم اس حوالے سے فیس بک کی انتظامیہ کی جانب سے تاحال کوئی وضاحت سامنے نہیں آ سکی ہے۔
