کوالالمپور (بیورو رپورٹ) ملائیشیا میں تعینات پاکستانی ہائی کمشنر آمنہ بلوچ نے آج سفارتی وفد کے ہمراہ انسپکٹر جنرل آف پولیس تن سری عبدالحمید بادر سے بکت امان میں ملاقات کی جس میں ملائیشیا میں مقیم پاکستانیوں کے مسائل اور ان کے حل پر مفصل بات چیت ہوئی بعد ازاں مہمانوں کی ڈائری میں سفیر پاکستان نے اپنے تاثرات قلم بند کیے۔ انسپکٹر جنرل آف پولیس تن سری عبدالحمید بادر نے سفیر پاکستان کو شیلڈ بھی پیش کی۔ سفیر پاکستان آمنہ بلوچ کے ہمراہ سفارتکار میاں عاطف شریف بھی موجود تھے۔
