ڈیرہ اسماعیل خان (رپورٹ: گوہر غنچہ) عوام کے جان و مال کا تحفظ اور معاشرتی برائیوں کا تدارک میری اولین ترجیح ہے شہداء کربلا ء کے چالیسویں پر ضلع بھر میں سخت ترین سکیورٹی کا انتظام کیا گیا ہے۔ ضلع بھر میں پولیس کے سینکڑوں چاق و چوبند جوان ڈیوٹیاں سر انجام د ے رہے ہیں۔ جلوسوں کے راستوں کو خار دار تاروں سے بند کیا گیا ہے جبکہ جلوسوں کے راستوں کو ڈرون کیمروں اور سی سی ٹی وی کیمروں کی مدد سے مانیٹر کیا جائیگا۔ ان خیالات کا اظہار ڈسٹرکٹ پولیس آفیسر ڈیرہ دلاور خان بنگش نے صحافیوں سے ملاقات کے دوران کیا۔ ڈسٹرکٹ پولیس آفیسر نے کہا کہ عوام اور پولیس میں اعتماد کی فضا پیدا کرنا بہت ضروری ہے عوام کو پولیس کی طرف سے انصاف اور تحفظ پیدا کرنا پولیس کی اولین ترجیحات میں شامل ہیں، انہو ں نے مزید کہا کہ پولیس کو مزید بہتر بنانے کیلئے مختلف کورسز بھی کروائے جارہے ہیں تاکہ ملازمین پروفیشنل طریقے سے خدمات جاری رکھ سکیں جرائم پیشہ افراد کے خلاف کریک ڈاؤن جاری ہے تاکہ معاشرتی برائیوں کا خاتمہ ممکن ہوسکے۔
