کراچی (رپورٹ: ذیشان حسین) بے گھر خاندانو ں کے لئے رجسٹریشن کی تاریخ میں توسیع کی جائے گی ان خیالات کا اظہار تحریک انصاف کے مرکزی ڈپٹی سیکرٹری جنرل ڈاکٹر ابوا لحسن نے پریس کلب پر وائس آف کراچی کے زیر اہتمام بے گھر خاندانوں کے اجتماع سے خطاب کرتے ہوئے کیا انہوں نے کہا کہ وزیر اعظم عمران خان نے کراچی والوں سے اپنا وعدہ پورا کر دیا ہر بے گھر کو گھر ملے گا اس موقع پر تحریک انصاف کے ایڈیشنل سیکٹریٹری جنرل سید اظہرالحسن قادری نے کہا کہ وائس آف کراچی کی تجاویز وزیراعظم کو پیش کی جائیں گی اور غریبوں کو تنہا نہیں چھوڑا جائے گا اجتماع سے خطاب کرتے ہوئے وائس آف کراچی کے چیئر مین سہیل ہاشمی نے کہا کہ بیس ہزار سے کم آمدنی والوں کے گھرانوں کی قسطیں معاف کی جائیں اس موقع پر انصاف یونائٹیڈ لیبر یونین کے سربراہ ریاض اختر اعوان، عدنان الحق، نعیم خان اور اکبر علی نے بھی خطاب کیا۔
