کراچی (نیوز ڈیسک) نیشنل ہائی ویز اینڈ موٹروے پولیس کے افسران کی ایک اور کاوش۔ تفصیلات کے مطابق نیشنل ہائی ویز اینڈ موٹروے پولیس بیٹ 6 کے افسران انسپکٹرمحمود اختر اور سب انسپکٹرنیاز احمد دوران پیٹرولنگ ڈیوٹی پر موجود تھے کہ ایک ہائی ایس پٹرولنگ گاڑی کے پاس رکی جس کے ڈرائیور نے بتایا کہ ایک لڑکی گاڑی میں اکیلی سفر کر رہی ہے اور پریشان لگ رہی ہے افسران نے لڑکی سے پوچھ گچھ تو معلوم ہوا لڑکی گھر والوں کو بتائے بغیر گھر سے نکل آئی ہے افسران نے لڑکی کے گھر رابطہ کیا اور والدین کو کیمپ آفس میں بلوا کر لڑکی کو اسکے والدین کے حوالے کیا گیا موقع پر موجود افراد نے موٹروے پولیس کی اس ہمدردانہ کاروائی کو خوب سراہا۔ ڈی آئی جی این فائیو نارتھ محمد عالم شنواری نے افسران کے کارکردگی کو سراہتے ہوئے اس امید کا اظہار کیا کہ تمام افسران عوام کی خدمت اسی تندہی کے ساتھ سر انجام دے کر محکمہ کا نام روشن کریں گے۔
