کراچی (رپورٹ: ذیشان حسین) محکمہ موسمیات کے مطابق ملک کے بیشتر علاقوں میں آج موسم انتہائی گرم اور خشک رہے گا اور سورج اپنی پوری آب و تاب کے ساتھ چمکے گا جبکہ کراچی میں بھی شدید گرمی پڑے گی۔ شہر قائد کا درجہ حرارت آج 37 ڈگری سینٹی گریڈ تک جانے کا امکان ہے اور شہر میں 13 کلو میٹر فی گھنٹہ کی رفتار سے ہوائیں چل رہی ہیں تاہم ہوا میں نمی کا تناسب 76 فیصد تک ریکارڈ کیا گیا ہے۔ پنجاب، خیبر پختنونخوا کے بیشتر میدانی علاقوں، مشرقی بلوچستان اور سندھ کا موسم آئندہ چند روز تک انتہائی گرم رہے گا۔ محکمہ موسمیات نے لوگوں کو دن کے اوقات میں غیر ضروری باہر نکلنے سے احتیاط برتنے کی ہدایت کی ہے۔
