میرپورخاص (رپورٹ: ایم ہاشم شر) میرپورخاص میں شادی شدہ ایک بچی کی ماں ہندو عورت نے مسلمان ہوکر نکاح کرلیا۔ میرپورخاص کے علاقے راجڑ کالونی کے رہائشی کھیم چند مہاراج کی شادی شدہ اٹھارہ سالہ بیٹی سرسوتی عرف کاجل نے بھی مسلمان ہوکر میر کا پلاٹ کے رہائشی اکرم ولد بشیر احمد شاہ سے نکاح کرلیا۔ کھیم چند مہاراج نے مہران پولیس اسٹیشن میں اپنی شادی شدہ بیٹی سرسوتی عرف کاجل اور معصوم ڈیڑھ سالہ نواسی خوشی کے اغوا کا مقدمہ محمد اکرم نامی شخص کے خلاف درج کروایا تھا۔ زبردستی اغوا کے کیس کا ڈراپ سین ہوگیا ہے۔ یہ عورت بھی گلزار خلیل پیر ایوب جان سرہندی کے پاس مسلمان ہوکر نکاح نامہ اور سرٹفکیٹ لے آئی۔
