گوجرانوالہ (بیورو رپورٹ) لدھیوالہ وڑائچ مدوخلیل روڈ پر ڈاکو ناکہ لگا کر راہگیروں کو لوٹ کر فرار ہونے والے موٹر سائیکل سوار ڈاکوؤں کا بکھڑے والی میں مبینہ پولیس مقابلہ اپنے ہی ساتھیوں کی فائرنگ سے زخمی ہونے والے دو ڈاکو گرفتار دو فرار ہو گئے، تفصیل کے مطابق تھانہ لدھیوالہ وڑائچ کے علاقے مدوخلیل روڈ پر چار موٹر سائیکل سوار ڈاکو ناکہ لگا کر راہگیروں سے گن پوائنٹ پر لوٹ مار کرنے کے بعد فرار ہونے لگے پولیس گشت پر ایس ایچ او تھانہ لدھیوالہ سب انسپکٹر فیصل معین بھٹہ نے پولیس پارٹی کے ہمراہ ڈاکوؤں کا پیچھا کیا بکھڑے والی کے قریب چاروں ڈاکوؤں اور لدھیوالہ پولیس کے درمیان ہونے والے مبینہ پولیس مقابلے میں اپنے ساتھیوں کی فائرنگ سے دو ڈاکو زخمی ہوگئے جبکہ دو فرار ہونے میں کامیاب زخمی ہونے والے دونوں ڈاکوؤں کو لدھیوالہ پولیس نے گرفتار کر لیا ہے جن کی شناخت آفتاب اور شوکت سکنہ بل ہوئی ہے لدھیوالہ وڑائچ پولیس نے گرفتار ہونے والے زخمی ڈاکوؤں کو طبی امداد کے لئے ڈی ایچ کیو ہسپتال گوجرانوالہ منتقل کر دیا۔
