نوشہرو فیروز (رپورٹ: امداداللہ ملک) ماڈرن انسٹیٹیوٹ آف اسکل ڈولپمینٹ نوشہرو فیروز میں بینظیر بھٹو شہید یوتھ ڈولپمینٹ کے تحت اپنا ٹیکنیکلی و تعلیمی کورس مکمل کرنے والے طلبہ و طالبات کو مستقبل میں کچھ کر دکھانے اور سرکاری و غیرسرکاری اداروں میں نوکری کے ساتھ کاروباری سوچ اپنانے کے لئے ایک کیریئر کاؤنسلنگ کا پروگرام منعقد کیا گیا۔ جس میں ڈسٹرکٹ مانیٹرنگ آفیسر بی بی ایس ڈی پی شکیل احمد چانڈیو، ڈپٹی مینجر ایمپلائیمنٹ ایکسچینج عبدالرشید اجن، ڈائریکٹر ایم آر ایس ڈی زاہد چنہ نے طلبا و طالبات کو روزگار اپنانے اور خود کو ایمپلائمینٹ ایکسینج میں رجسٹریشن کروانے کے فوائد سے شعوری آگاہی دیتے ہوئے کہا کہ یہ پروگرام بیروزگاری کہ خاتمے کے لئے شروع کیا گیا تھا جس سے کافی حد تک نوجوانوں کو روزگار کے مواقع فراہم ہوئے ہیں۔ اس موقع پر تمام طلبہ و طالبات میں ایمپلائیمینٹ ایکسچینج میں رجسٹری فارم بھی دیئے گئے۔
