میرپورخاص (رپورٹ: ایم ہاشم شر) میرپورخاص نویں اور دسویں جماعت کے امتحانات میں سینٹرز کی تبدیلی کے خلاف سیکڑوں طلبہ سڑکوں پر نکل آئے۔ میرپورخاص کی تحصیل کوٹ غلام محمد کے پانچ سیکنڈری اسکولز کے طلباء و طالبات نے احتجاج کیا۔ طلباء و طالبات نے پلے کارڈز بینر اٹھا کر کوٹ غلام محمد میں ریلی نکالی اور دھرنا دیا۔ طلباء مظاہرین کا کہنا ہے کہ ہمارے اسکول سے 25 کلو میٹر دور امتحانی سینٹر بنایا گیا ہے جس سے شدید مشکلات کا سامنا ہوگا۔ طلباء کا مطالبہ ہے کہ فوری طور سینٹر تبدیل کرنے کا فیصلا موخر کیا جائے۔
