اسلام آباد (بیورو رپورٹ) وزیراعظم عمران خان نے آج قوم سے خطاب کرتے ہوۓ کہا ہے کہ پاکستان بھارت کی کسی بھی کارروائی کا بھرپور جواب دے گا، بھارت اگر حملہ کیا تو سوچیں گے نہیں بلکہ ہم بھی حملہ کریں گے اور ہم بھارت کو دندان شکن جواب دیں گے ۔پلوامہ حملے پر قوم سے خطاب میں وزیر اعظم نے کہا کہ بھارت نے بغیر ثبوت پاکستان پر الزام لگایا، ہم دہشت گردی پر بھارت سے بات کرنے کے لیے تیار ہے، ہم سب جانتے ہیں کہ جنگ شروع کرنا آسان ہے لیکن اسے ختم کرنا انسان کے بس کی بات نہیں ہوتی۔ گزشتہ ہفتے مقبوضہ کشمیر کے علاقے پلوامہ میں بھارتی سیکیورٹی فورسز کے قافلے پر خودکش حملہ ہوا تھا جس کے نتیجے میں کم از کم 46 سیکیورٹی اہلکار ہلاک جب کہ متعدد زخمی ہوگئے تھے، بھارت نے واقعے کا الزام پاکستان پر لگایا تھا۔
