یونان / ایتھنز (رپورٹ: ملک فیصل سمرالہ) یونان میں پاکستان کے قائم مقام سفیر یاور عباس اور کونسلر امیگریشن صفی اللہ جوکھیو نے آج مینیدی حراستی کیمپ کا دورہ کیا، وہاں پاکستانی قیدیوں سے ملاقات کی اور ان میں امدادی سامان تقسیم کیا۔ انہوں نے کیمپ کے چیف سولوموس سے بھی ملاقات کی۔ مینیدی میں اس وقت 222 پاکستانی شہری یونان میں غیر قانونی طور پر آنے کے جرم میں قید ہیں۔ سفارت خانہ پاکستان انکی ہر ممکن مدد کی کوشش میں مصروف ہے۔ آج ان تمام قیدیوں تک امدادی سامان پہنچایا گیا جس میں کپڑے اور دیگر اہم اشیاء شامل ہیں۔ اس کیمپ کا اگلے ہفتے دوبارہ پھر دورہ کیا جائے گا تاکہ پاکستانی شہریوں کے مسائل حل کیے جا سکیں۔
