بیروت (اسپورٹس رپورٹر) 24 ویں ایشین تائیکوانڈو چیمپئین شپ کیروگی ایونٹس کی 54 کے جی کیٹیگری میں پاکستان کے شاہ زیب نے کوارٹر فائنل میں سنسنی خیز مقابلے کے بعد میچ کے آخری سیکنڈ میں لبنان کے مارک خلیفے سے 14-16 پوائنٹس سے شکست سے دوچار ہوگئے، قبل ازیں پری کوارٹر فائنل میں شاہ زیب نے سعودی عرب کے ریاد حامدی کو 13-26 سے شکست دی تھی 68 کے جی میں پاکستان کے عمّار کو تاجکستان کے محمد خوسین نے 4-17 کے فرق سے شکست دی جبکہ 87 کے جی میں کوریا کے سیونگ ہان نے پاکستان کے تیمور سعید کیخلاف 0-20 سے فتح حاصل کی خواتین مقابلوں میں 46 کے جی کیٹیگری میں ازبکستان کی آزامووا نے پاکستان کی سیدہ ہانا کو 45-8 پوانٹس سے ہرایا، جمعرات کو 58 کے جی میں پاکستان کے ہارون خان منگولیا کے انکبیار کے مدمقابل ہوں گے جبکہ 87+ کیٹیگری میں حمزہ سعید کا مقابلہ کوریا کے یومن بی سے ہوگا خواتین کی 49 کے جی کیٹیگری میں پاکستان کی عائشہ نور اور سعودی عرب کی رہاف عبداللہ کی فائٹ ہوگی۔
