بنوں (رپورٹ: جنید وزیر) خیبر پختونخوا کے ضلع بنوں کے علاقہ بکا خیل میں بارودی سرنگ کے دھماکے کے نتیجے میں 9 سالہ بچہ واجد رحمان شہید ہوگیا جبکہ متعدد مویشی زخمی ہوگئے۔ پولیس ذرائع کے مطابق 9 سالہ بچہ واجد رحمان اپنے گھر کے قریب واقع جنگل میں مویشی چرا رہا تھا کہ اس کا پاﺅں زیر زمین چھپائی گئی بارودی سرنگ پہ پڑنے سے زور دار دھماکہ ہوا جس سے وہ موقع پر ہی شہید جبکہ متعدد بکریاں بھی دھماکے کی زد میں آکر شدید زخمی ہو گئیں۔
