میرپورخاص (رپورٹ: ایم ہاشم شر) میرپورخاص میرواہ میں خاتون پرائمری ٹیچر دوران ڈیوٹی اچانک حرکت قلب بند ہونے سے انتقال کر گئیں۔ اچانک انتقال سے اسکول میں طالبات شدت غم سے نڈھال۔ تفصیلات کے مطابق پولیس ذرائع کا کہنا ہے کہ گورنمنٹ گرلز پرائمری اسکول گوٹھ چوہدری غلام محمد آرائیں کی ٹیچر تین بچوں کی ماں 45 سالہ غلام فاطمہ زوجہ اصغر آرائیں دوران ڈیوٹی اچانک حرکت قلب بند ہونے کے باعث انتقال کر گئیں۔ اسکول ٹیچر کے اچانک انتقال سے اسکول میں موجود طالبات شدت غم سے نڈھال ہوگئے۔
