میرپورخاص (رپورٹ: ایم ہاشم شر) میرپورخاص کی تحصیل کوٹ غلام محمد کے گاؤں گوٹھ جھگیاں کا رہائشی عبدالمجید جٹ کو 8 ماہ گزرنے کے باوجود انصاف نہ مل سکا- عمر رسیدہ عبدالمجید جٹ کا کوئی کمانے والا نہیں ہے کہ گھر سے کچھ دن قبل قربانی کے لیے پالا گیا بیل چوری ہوا تھا جس کی شکایت کوٹ غلام محمد پولیس اسٹیشن میں کی گئی تھی جس کے نتیجے میں پولیس نے چار چوروں کو گرفتار کیا تھا- جس میں سے ایک چور نے چوری قبول کرکے اپنے حصے میں آنے والی رقم ادا کی تھی اور باقی 3 چوروں کو پولیس نے چھوڑ دیا تھا- عبدالمجید کا ایس ایس پی میرپور خاص عابد علی بلوچ اور ڈی آئی جی میرپور خاص ثاقب اسمٰعیل میمن سے مطالبہ ہے کہ اس کے ساتھ مکمل انصاف کیا جائے-
