نیشنل ویمنز ٹی ٹوئنٹی ٹورنامنٹ: نیشنل ویمنز ٹی ٹوئنٹی ٹورنامنٹ میں اتوار کے روز کھیلے گئے میچوں میں کانکررز اور انونسیبلز کی کامیابی

کراچی، (اسپورٹس رپورٹر) نیشنل بینک اسٹیڈیم میں چیلنجنرز اور انونسیبلز کا میچ ٹائی ہوگیا جس کے بعد انونسیبلز نے سپر اوور میں2 رنز سے کامیابی حاصل کی چیلنجرز نے پہلے بیٹنگ کرتے ہوئے 20 اوورز میں9 وکٹوں پر145 رنز بنائے۔
نتالیہ پرویز 31 رنز کے ساتھ قابل ذکر تانیہ سعید ۔صائمہ ملک اور عمیمہ سہیل کی دو دو وکٹیں انونسیبلز نے جواب میں 20 اوورز میں 5 وکٹوں پر 145 رنز بنائے عائشہ ظفر 54 اور کپتان منیبہ علی 41 رنز کے ساتھ نمایاں ۔دونوں کے درمیان 92 رنز کی اوپننگ پارٹنرشپ آخری اوور میں ارم جاوید نے ایک چھکا اور ایک چوکا لگاکر میچ ٹائی کردیا۔ وہ دو چوکوں اوردو چھکوں کی مدد سے 30 رنز بناکر ناٹ آؤٹ رہیں سپر اوور میں انونسیبلز نے ایک وکٹ پر12 رنز بنائے چیلنجرز کی ٹیم سپر اوور میں 10 رنز بناسکی عائشہ ظفر نے پلیئر آف دی میچ ایوارڈ حاصل کیا. اوول اکیڈمی گراؤنڈ میں کانکررزنے اسٹرائیکرز کو 10 وکٹوں سے ہرادیا۔ اسٹرائیکرز پہلے بیٹنگ کرتے ہوئے 19 اوورز میں صرف 67 رنز بناکر آؤٹ ہوگئی۔
ام ہانی 23 رنز بناکر ٹاپ اسکورر ہمنہ بلال اور عروب شاہ دو دو وکٹیں حاصل کیں کانکررز نے مطلوبہ اسکور 10 ویں اوور میں بغیر کسی نقصان پر پورا کرلیا سائرہ جبین 42 اور حفصہ خالد23 رنز بناکر ناٹ آؤٹ سائرہ جبین پلیئر آف دی میچ قرار پائیں.