کراچی، (ویب ڈیسک) علیگڑھ انسٹیٹیوٹ اف ٹیکنالوجی (AIT) کی مارکیٹنگ و ایڈمیشن ٹیم نے نارتھ ناظم آباد میں الصفا اکیڈمی میں نہم و دہم کے طلبہ کے لیے کیریئر آگاہی سیشن منعقد کیا۔ تقریباً 50 طلبہ کو تکنیکی تعلیم، DAE پروگرامز اور مستقبل کے کیریئر مواقع سے متعلق رہنمائی دی گئی جبکہ ان کے سوالات کے جوابات بھی فراہم کیے گئے۔
پرنسپل شاہد جمیل کے مطابق یہ اقدام نوجوانوں کو روشن مستقبل کی جانب گامزن کرنے کی سنجیدہ کاوش ہے، جبکہ کنوینر سید محمد محسن کاظم نے کہا کہ ادارہ تکنیکی تعلیم کے فروغ کے لیے تعلیمی اداروں سے روابط مستحکم کر رہا ہے۔ یہ آگاہی مہم ماہ بھر مختلف اسکولوں میں جاری رہے گی۔
