تہران، (ویب ڈیسک) ایرانی ریال کی قدر تاریخ کی کم ترین سطح پر گر گئی ہے، جہاں اوپن مارکیٹ میں ایک امریکی ڈالر 12 لاکھ ریال میں فروخت ہو رہا ہے۔
اقتصادی ماہرین کے مطابق جوہری پابندیوں اور مسلسل اقتصادی دباؤ نے ایران کی کمزور معیشت کو مزید عدم استحکام سے دوچار کر دیا ہے۔ ریال کی گراوٹ نے مہنگائی کی شرح کو نئی بلند سطح پر پہنچا دیا ہے۔
بازار میں دکانداروں کا کہنا ہے کہ روزمرہ اشیا کی قیمتیں تیزی سے بڑھ رہی ہیں، جبکہ عوام شدید مالی مشکلات اور قیمتوں میں روزانہ اضافے سے پریشان ہیں۔
