چترال (رپورٹ: گل حماد فاروقی) وادی کیلاش کے کڑاکاڑ گاؤں کے رہائشی معروف سماجی کارکن اور ہوٹل مالک عبدالخالق کیلاش کی والدہ وفات پاگئی۔ آنجہانی کی عمر 92 سال تھی جو اس علاقے میں سب سے زیادہ عمر رسیدہ خاتون تھی۔ عبد الخالق ایک نہایت نفیس اور مہمان نواز شحصیت ہے جن کے ملک بھر اور بیرون ممالک میں بھی کافی تعلقات ہیں۔ ان کے پوتے پوتیوں کی تعداد گیارہ تھی۔ ان کی والدہ بھی نہایت رحم دل خاتون تھی اور اپنے بچوں اور پوتے پوتیوں کے علاوہ پورے گاؤں کے بچوں سے بھی نہایت پیار کرتی تھی۔
ہمارے نمائندے کو خصوصی طور پر عبدالخالق نے وادی کیلاش بمبوریت سے فون کرکے اپنے دوست احباب کیلئے پیغام بھیجا ہے کہ چونکہ بمبوریت میں بہت زیادہ سردی ہے اور برف باری کی وجہ سے راستے بھی اکثر بند رہتے ہیں لہذا وہ خود وہاں آنے کی زحمت نہ کریں بلکہ ان کے ساتھ فون نمبر 03459169188 پر رابطہ کرکے ان کے ساتھ اظہار ہمدردی کرسکتے ہیں۔ آنجہانی کے موت پر کیلاش قبیلے کی رسم کے مطابق ایک دن مذہبی رسومات منائی جائے گی اور انھیں اتوار کے روز سپرد خاک کیا جائے گا۔
