کراچی (رپورٹ: ذیشان حسین) صوبائی وزیر جنگلات نوابزادہ محمد تیمور تالپور نے انار کلی بازار لاہور کے دھماکے میں قیمتی جانوں کے ضیاع پر شدید افسوس کا اظہار کرتے ہوئے کہا ہے کہ جب نام نہاد نااہل پلس صوبے کی عوام پر مسلط کر دئیے جائیں تو عوام کے جان و مال کو تحفظ کیسے ہوگا۔ انارکلی بازار بم دھماکے کی شدید مذمت کرتا ہوں۔دھماکے میں معصوم بچوں اور غریب افراد کی ہلاکتیں قابل مذمت ہے، جاں بحق افراد کے اہل خانہ سے دلی تعزیت اور ہمدردی کا اظہار کرتا ہوں۔
جان بحق ہونے والوں کے اہل خانہ کی مالی امداد کی جائے جبکہ زخمیوں کو علاج معالجے کی مکمل سہولیات فراہم کی جائیں۔ انہوں نے مزید کہا کہ وہ لاہور بم دھماکے کے زخمیوں کی جلد صحتیابی کیلئے دعاگو ہیں۔ دھماکے میں ملوث عناصر کو کیفرِ کردار تک پہنچانے کیلئے حکومت کو سنجیدہ اقدامات اٹھانے ہونگے۔
