میہڑ (رپورٹ: عبدالرحمان قمبرانی) ضلع دادو کی تحصیل میہڑ میں قوم پرست رہنماؤں پر جھوٹے کیس درج کرنے اور نواب شاہ میں سندھ ایکشن کمیٹی کی ریلی پر حملہ کرنے کے خلاف سندھ یونائیٹڈ پارٹی کے رہنما برکت علی جتوئی، عبدالحمید سومرو، حاجی خان مارفانی اور اسحاق سوڈہر کی قیادت میں کارکنوں نے ہاتھوں میں پلے کارڈز اٹھا کر احتجاجی مظاہرہ کیا۔ رہنماؤں نے خطاب کرتے ہوئے کہا کہ پی پی پی کی حکومت نے سندھ میں ظلم کی انتہا کر دی ہے سندھ کے حقوق حاصل کرنے کیلئے قوم پرست رہنماؤں پر جھوٹے کیس درج کرنے اور نواب شاہ میں سندھ ایکشن کمیٹی کی ریلی کے اوپر حملہ کیا گیا ہے جس کی مذمت کرتے ہیں انہوں نے مطالبہ کیا ہے کہ درج جھوٹے کیسز ختم کرکے گرفتار قوم پرست رہنماؤں کو آزاد کیا جائے۔
