اسلام آباد (ویب ڈیسک) وزیراعظم عمران خان نے وفاقی وزراء اور دیگر اہم حکومتی شخصیات کے ہمراہ (آئی ایس آئی) ہیڈ کوارٹر کا دورہ کیا ہے، وزیراعظم کو ملک کی داخلی و خارجی سیکورٹی کی صورتحال پر بریفنگ دی گئی۔ ذرائع کے مطابق وزیراعظم عمران خان نے وزیر د اخلہ شیخ رشید، وزیر خزانہ شوکت ترین، مشیر قومی سلامتی معید یوسف سمیت دیگر اہم حکومتی شخصیات کے ہمرا اسلام آباد میں (آئی ایس آئی) ہیڈ کوارٹر کا دورہ کیا، آئی ایس آئی ہیڈ کوارٹر پہنچنے پر ڈائریکٹر جنرل آئی ایس آئی لیفٹیننٹ جنرل فیض حمید نے وزیراعظم عمران خان کا استقبال کیا۔ ڈی جی آئی یس آئی کی جانب سے وزیراعظم عمران خان کو ملک کی داخلی و خارجی سیکورٹی سیکورٹی صورتحال پر بریفنگ دی گئی جبکہ افغانستان اور فلسطین کی موجودہ صورتحال پر بھی وزیراعظم کو بریف کیا گیا۔ بتایا گیا ہے کہ وزیراعظم نے حکومتی وفد کے ہمرا سوا دوگھنٹے آئی ایس آئی ہیڈ کوارٹر میں گزارا۔
