کراچی (رپورٹ: ذیشان حسین) پاکستان تحریک انصاف کے رہنماء و رکن سندھ اسمبلی ریاض حیدر نے کہا کہ محکمہ واٹر بورڈ کی جانب سے ضلع وسطی میں پانی کی منصفانہ تقسیم یقینی نہیں بنائی جارہی، ضلع وسطی کے بعض علاقے چالیس سال سے پانی کیلئے محروم ہیں ٹینکر مافیا نے پورے شہر کو جکڑ لیا ہے ٹینکر مافیا پیسہ کمانے اور پی پی کو کمیشن پہنچانے کیلئے پانی مہنگا فروخت کیا جاتا ہے واٹر بورڈ کی غفلت سے علاقہ مکین احتجاج کیلیے مجبور ہیں بحیثیت عوامی نمائندے علاقہ مکین کی جانب سے متعدد پانی کی فراہمی سے متعلق شکایات آتی ہیں عوام کی امیدیں پی ٹی آئی سے وابسطہ ہیں کراچی کے ووٹر کو سزا دی جارہی ہے پیپلز پارٹی کے وزراء کی زبانوں پر کرپشن کی لذت کا قبضہ ہے اس لذت کا خمیازہ کراچی کے معصوم شہریپیپلز پارٹی کے وزراء اپنی پیاس سے ادا کر رہے ہیں عمران خان سے پی پی کی نفرت قابلِ مذمت ہے انہوں نے اپنے بیان میں مزید کہا کہ پی پی کے مختص کردہ بجٹ میں سندھ کے شہری علاقوں کے ساتھ معتصبانہ روایہ نہیں رکھا گیا ہے سندھ حکومت اپوزیشن جماعتوں کو اسمبلی فلور پر بات کرنے نہیں دیتی، اسمبلی میں پی ٹی ائی رہنماؤں کے مائک تقریر ختم ہونے سے پہلے بند کردیئے جاتے ہیں، سندھ میں پی پی کی ڈکٹیٹر شپ قائم ہے، ضلع وسطی کے عوام کا پانی کا مسئلہ ترجیحی بنیادوں پر حل نہ کیا گیا تو مجبوراً عوام کے ہمراہ سڑکوں پر احتجاج کیلئے نکلیں گے۔
