کراچی (رپورٹ: ذیشان حسین) خود محافظ آرگنائیزیشن کے دو سال مکمل ہونے پر ایک روزہ انڈور کھیلوں کے مقابلے منعقد ہوئے جس میں کک باکسنگ، سیلف ڈیفنس، اینیمل ڈیفینس اور آرچری شامل تھے کھیلوں کے مقابلوں کا انعقاد کیا گیا جس میں تمام ٹرینرز اور پاکستان کی پہلی خاتون انٹرنیشنل ٹینس امپائر قدسیہ راجہ نے شرکت کی، تقریب کی مہمان خصوصی ڈائریکٹر سوشیل ویلفیئر مسرت نسرین تھیں۔ ڈائریکٹر سوشل ویلفیئر ڈیپارٹمنٹ مسرت نسرین نے کہا کہ خود محافظ کی کاوشوں کو سراہا اور ٹریننگ سیشنز کو جاری رکھنے کیلئے اپنی طرف سے ہر قسم کے تعاون کی یقین دہانی بھی کروائی۔ اس موقع پر سی ای او خود محافظ عمر حسن کا کہنا تھا کہ خوشی ہے کہ لوگوں میں سیلف ڈیفینس جذبہ جاگ رہا ہے۔
ٹرینرز کا کہنا تھا کہ خواتین کے اندر سیلف ڈیفنس سیکھنے کا جذبہ پیدا ہو گیا ہے۔ ایونٹ کے اختتام پر خود محافظ کی دوسری سالگرہ کا کیک بیت المال کے سب سے چھوٹے بچے نے کاٹا جو اس بات کا ثبوت ہے کہ خود محافظ ایک قومی سلامتی کا مقصد رکھتا ہے۔
