مانسہرہ (رپورٹ: عتیق سلیمانی) فرینڈز کرکٹ کلب مدینہ منورہ کی جانب سے تعمیر تنول ویلفیئر سوسائٹی کو 60 سے زائد سویٹرز کا عطیہ دیا گیا۔ ویلفیئر سوسائٹی کے ذمہ داران نے گورنمنٹ پرائمری اسکولوں کے یتیم اور مستحق بچوں اور بچیوں میں گرم سویٹرز تقسیم کردیے۔ فرینڈز کرکٹ کلب ٹیم مدینہ منورہ کے کھلاڑی عاصم سومرو، محمود ملک، ارشد علی، کاشف سہلری اور عبدالوحید نے تعمیر تنول ویلفیئر سوسائٹی کے لیے نیک خواہشات کا اظہار کرتے ہوئے کہا کہ سوسائٹی کا قیام ایک اچھا اقدام ہے اپنے علاقے کی خدمت اسی طرح جاری رکھیں آئندہ سال اس نیک کام میں مزید بڑھ چڑھ کر حصہ لیں گے۔ ہمارا ہر ممکن تعاون آپکے ساتھ ہوگا۔
