میرپورخاص (رپورٹ: ایم ہاشم شر) مسلم سٹوڈنٹ فیڈریشن (فنکشنل لیگ) ضلع میرپورخاص کے رہنما نقاش مری نے کہا ہے کہ اعلی عدلیہ کی جانب سے سندھ بھر میں سرکاری اراضی، پارکوں، نالون، نہروں، ایمینٹی پلاٹوں سمیت تمام محکموں کی سرکاری زمینوں پر قبضہ ختم کرانے کا حکم ہے جس پر میرپور خاض ضلع انتظامیہ عمل کروائے۔ میرپورخاص کی ضلع انتظامیہ کی جانب سے میرپورخاص کے تمام محکموں کی زمینوں سے قبضہ ختم کروا کر میرپورخاص شہر کو خوبصورت بنایا جائے۔ سرکاری پلاٹ جن میں ڈسپینسری، تانگہ اسٹینڈ، گوشت مارکیٹ سمیت دیگر سرکاری اراضی پر قبضوں کے بعد دوکانیں اور پلازے بنادیے گئے ہیں ان کے خلاف کاروائی فوری عمل میں لائی جائے۔ جرواری شاخ پر جو قبضہ مافیا ہے ضلعی انتظامیہ عدالت کے حکم کی روشنی میں فوری ختم کروائے۔ ریڑھی والوں کے خلاف آپریشن کرکے اصلی مگرمچھوں کو معاف نہ کیا جائے۔ ضلعی انتظامیہ قبضہ مافیا کو کسی صورت میں نہ بخشے۔
